23/11/2017

Hugsað um Litlu Skáldu: Kennslubækur og kennsla á miðöldum

Brot úr Eddu - Myndbrot úr Gylfaginningu - Uppsalabók

Myndbrot úr Gylfaginningu Snorra-Eddu. í Uppsalabók.

Grein Heimis Pálssonar segir frá áhugaverðu kenningatali í miðaldahandritunum AM 748 I b 4to og AM 757 a 4to en þau eru varðveitt í Stofnun Árna Magnússonar á Íslandi og hafa að geyma hluta Skáldskaparmála úr Snorra-Eddu auk annars efnis um skáldskaparlist. Hefur þessi samantekt um kenningar stundum verið nefnd Litla Skálda. Í greininni er bent á að líklegast sé þarna á ferðinni sjálfstætt námsefni handa verðandi skáldum og byggi textinn ekki á Eddu eins og við þekkjum hana, hvorki Uppsalagerð né Konungsbókargerð, heldur sé líklegra að farið sé eftir heimildum sem þess vegna gætu verið kennsluefni frá tólftu öld og þar með eldri en kennslubókin sem kennd er við Snorra. Athuganir höfundar hafa bent til þess að gert hafi verið ráð fyrir að nemendur lærðu utanbókar þær vísur sem til er vitnað í Skáldskaparmálum Eddu, en hér er um að ræða vísnalaust kenningatal, sem líklega hefur átt að lærast eins og það kom fyrir, enda má hugsanlega sjá þess stað að reynt sé að efnis- og merkingarraða til að auðvelda námið. Greinarhöfundur hefur að markmiði að leggja kennurum upp í hendur efni til að kynna nemendum forna kennslubók og vekja þannig umræður um kennsluhætti, hvort heldur hefur verið í skólastofum eða einstaklingstilsögn. Margir þeir orðaleikir og þær myndir sem á kreiki eru í fornum kenningum eru vænleg til að vekja áhuga nemenda, sem sjálfir hafa nautn af margs konar málþrautum.  ► Sjá grein.

Sýna fleirum: Email this to someoneShare on FacebookShare on LinkedInTweet about this on TwitterShare on TumblrPin on Pinterest

Um ljóð og ljóðakennslu í grunnskólum

Grein Önnu Þorbjargar Ingólfsdóttur er um ljóð og ljóðakennslu í grunnskólum. Sjónum er meðal annars beint að því hvers konar ljóða grunnskólabörn njóta helst og vilja fást við. Höfundur leggur áherslu á að kennarar gleymi ekki hinum skapandi þætti tungumálsins.

Sýna fleirum: Email this to someoneShare on FacebookShare on LinkedInTweet about this on TwitterShare on TumblrPin on Pinterest